சுரேஜமீ

எம் தாயும்; எந்தையும்; தமிழும் தந்த கொடை நான்; என் நாவிருந்து ஆட்சி செய்து, எண்ணமெல்லாம் நிறைந்து, நினைத்தபோது தங்கு தடையின்றி என் வார்த்தைகளுக்கு வளம் கொடுக்கும் தமிழே, இங்கு வருவோர் அள்ள; அள்ளக் குறையாத, தீந்தமிழ் தேன் பருகி, தென்றலில் தவழ்ந்து, எண்ணமெல்லாம் ஏற்றம் பெற்று, பாரினிலே பலர் மெச்ச வாழ்ந்திடுவர் நாளுமே! நண்பர்களே, நான் இலக்கணம் கற்றவன் அல்ல. புத்தகங்கள் படிப்பவனும் அல்ல; ஆதலால், சொற்பிழை, பொருட்பிழை இருப்பின் தயங்காமல் என்னை, மின்னஞ்சலில் தொடர்பு கொள்ளவும்.

Nov 16, 2011

கடவுள்

கடவுளைத் தேடி
அலையும் நீ
உன்னைக்
கடந்து,
உனக்குள்
ஏகி,
அலை பாயும்
மனதைத்
தாண்டி
தவம் செய்யும்
திடம்
பெற்றால்,
செம்புலப்பெயல்
நீர்போல
சிந்தையும்
செயலும்
ஒன்றாகும்!
உடலும்
உள்ளமும்
உறுதிபட
ஒளிரும்
சுடரே
அறிவாகும்!
கட உள்
நீ என்று
அறிவாயே! -சுரேஜமீ