சுரேஜமீ

எம் தாயும்; எந்தையும்; தமிழும் தந்த கொடை நான்; என் நாவிருந்து ஆட்சி செய்து, எண்ணமெல்லாம் நிறைந்து, நினைத்தபோது தங்கு தடையின்றி என் வார்த்தைகளுக்கு வளம் கொடுக்கும் தமிழே, இங்கு வருவோர் அள்ள; அள்ளக் குறையாத, தீந்தமிழ் தேன் பருகி, தென்றலில் தவழ்ந்து, எண்ணமெல்லாம் ஏற்றம் பெற்று, பாரினிலே பலர் மெச்ச வாழ்ந்திடுவர் நாளுமே! நண்பர்களே, நான் இலக்கணம் கற்றவன் அல்ல. புத்தகங்கள் படிப்பவனும் அல்ல; ஆதலால், சொற்பிழை, பொருட்பிழை இருப்பின் தயங்காமல் என்னை, மின்னஞ்சலில் தொடர்பு கொள்ளவும்.

Sep 7, 2011

செங்கொடி!

தன்மகன் போருக்கு

புறமுதுகிட்டான் எனில்

தன் கொங்கை அறுத்த

தம் நாட்டில்

நீதி கிடைக்காதோ

என்று மனம் வெதும்பித்

தன்னை மாய்த்தால்

தன்சமூகம்

விழிப்புற்று வீதிக்கு வந்து

போராடி மூவருயிர்

காக்கும் என்று

வீழ்ந்தாள்

வெந்தணலில்

ஒரு பைங்கொடி

அவள் பெயர்

செங்கொடி!

வாழவேண்டிய

வயதில்

வாழ்க்கையைத்

தொலைத்தவள்!

ஏ செங்கொடி!

இனக்கொடி காக்க

இன்னுயிர் ஈத்த

நீயும் ஒரு தாயே! - சுரேஜமீ

No comments:

Post a Comment

Subscribe to: Post Comments (Atom)