சுரேஜமீ

எம் தாயும்; எந்தையும்; தமிழும் தந்த கொடை நான்; என் நாவிருந்து ஆட்சி செய்து, எண்ணமெல்லாம் நிறைந்து, நினைத்தபோது தங்கு தடையின்றி என் வார்த்தைகளுக்கு வளம் கொடுக்கும் தமிழே, இங்கு வருவோர் அள்ள; அள்ளக் குறையாத, தீந்தமிழ் தேன் பருகி, தென்றலில் தவழ்ந்து, எண்ணமெல்லாம் ஏற்றம் பெற்று, பாரினிலே பலர் மெச்ச வாழ்ந்திடுவர் நாளுமே! நண்பர்களே, நான் இலக்கணம் கற்றவன் அல்ல. புத்தகங்கள் படிப்பவனும் அல்ல; ஆதலால், சொற்பிழை, பொருட்பிழை இருப்பின் தயங்காமல் என்னை, மின்னஞ்சலில் தொடர்பு கொள்ளவும்.

Apr 23, 2015

இன்று உலக புத்தக தினமாமே? - ஏப்ரல் 23

புத்தகம்

புகும் அகம்

புக நன்கே

பூவிதழ் விரிய

அகம்

புறம் நோக்கி

அறம் நிலைத்தல்

நிலை அறிவன்றோ?

பொதி அல்ல

புத்தகம்

நிறை மதிதரும்

குறை அகற்றி!

வாசித்தலை

சுவாசிக்க

உள்நுழைக் காற்றும்

உனதாக்கும் அறிவு!

நிறம்

மொழி

இனம்

மதம் தாண்டும்

மாண்புடை

பண்பிருந்தால்

மானுடம்

வென்றிடும்!

புத்தகம்

புது அகம்

அதன் முகம்

அகம் தகும்!

அதற்கொரு தினம்

அன்றாடம் அதன் தினம்

அவனியின் ஆணிவேர்

அதுதான் புத்தகம்!

போற்றுவோம்

புத்தகம்!

படைப்போம்

புது யுகம்!!

படி

படி படியாய்

படியேறு வாழ்க்கை

பலர் மகிழ வாழ!!

அன்புடன்

சுரேஜமீ

Image result for book images

No comments:

Post a Comment

Subscribe to: Post Comments (Atom)